Avstraliyanın Baş naziri Skott Morrison Milli Təhlükəsizlik Komitəsinin iclasından sonra Ukraynadakı avstraliyalıları dərhal ölkəni tərk etməyə çağırıb. “Canberra” nəşrinin əməkdaşına açıqlama verən baş nazir vurğulayıb ki, Rusiya qoşunlarının Ukrayna ilə sərhəddə toplaşmağa davam etməsindən, vəziyyətin pisləşməsindən çox narahatdır:
Hadisələrin hara gedib çıxacağı ilə bağlı real narahatlığımız var. Ukraynada yaşayan avstraliyalıların böyük əksəriyyəti həyatlarını orada qurub, bir çoxunun ikili vətəndaşlığı var. Avstraliya son həftələrdə Ukraynadakı bütün avstraliyalılarla əlaqə saxlamağa çalışıb və onları ölkəni tərk etməyə çağırmışıq.
Skott Morrison
Morrison onu da əlavə edib ki, Rusiyanı qarşılıqlı dialoqa davam etməyə səsləyirlər.
Qərbin narahatlıq səbəbi: Rusiyanın təxminən 100 000 rus əsgərini Ukrayna yaxınlığında cəmləməsi Ukraynaya hücumla bağlı narahatlığını artırıb. Rusiya qonşusuna hücum etmək planlarını rədd edir. Lakin ABŞ və müttəfiqlərini Ukrayna və digər keçmiş sovet ölkələrinin NATO-ya üzvlüyünə mane olmağa, NATO qüvvələrini Şərqi Avropadan geri çəkməyə çağırır. Vaşinqton və NATO bu tələbləri rədd edib.
