Polşa prezidenti Anje Duda NATO-nun baş katibi Yens Stoltenberqdən əlavə hərbi yardım istəyib. “RİA Novosti” yazır ki, bu haqda Duda Brüsseldə Stoltenberqlə görüşdən sonra deyib:
Mən baş katibə təkliflərlə müraciət etdim. Polşaya qarşı Rusiyanın hərbi təhlükəsindən qorxuram. Hər kəs nə edildiyini görür, Rusiya Avropa hissəsində hərbi mövcudluğunu artırır.
Anje Duda
Prezident hesab edir ki, NATO təkcə Polşanın deyil, bütün Avropanın hərbi gücünü artırmalıdır:
Biz təkcə Polşa və Baltikyanı ölkələrin ətrafında yox, bütövlükdə şərq cinahında gücləndirmə etməliyik. Mən Avropanın cənubunu da düşünürəm.
Anje Duda
Polşa nədən narahatdır: Rusiya Ukrayna ətrafına 100 minə yaxın hərbi qüvvə yığıb. Eyni zamanda, Polşa ilə həmsərhəd olan Belarusla birgə təlimlər keçir. Bundan başqa, NATO-nun baş katibi Yens Stoltenberq Rusiyanın Belarusa 30 minə yaxın döyüş qoşunu və müasir silahlar göndərdiyini açıqlayıb. Rusiya isə bunun Ukraynanı işğal etmək hazırlığı olmadığını, “Belarus və Rusiya İttifaq Dövləti”nin hərbi qüvvələrinin təlim keçdiyini bildirib.
