Böyük Britaniya Ukraynaya dəstək məqsədilə dəbilqə, zirehli geyim və digər hərbi mallardan ibarət hərbi yardım göndərib. Məlumatı Ukraynanın müdafiə naziri Aleksey Reznikov tvitter hesabında paylaşıb:
8-9 fevralda Böyük Britaniyadan Ukraynaya hərbi-texniki yardım yükü gəlib. Sarsılmaz siyasi və diplomatik dəstəyə, hərbi yardıma görə tərəfdaşlarımıza təşəkkür edirik.
Aleksey Reznikov
Nazir əlavə edib ki, yardım paketində Ukrayna Silahlı Qüvvələri üçün lzirehli jiletlər, dəbilqələr var.
Qərb ölkələri niyə Ukraynaya yardım yollayır: Ukrayna-Rusiya sərhəddinə 100 minə yaxın rus əsgəri toplanıb. Bundan əlavə, Rusiya Belarusla birgə Ukraynaya yaxın ərazilərdə təlimlər keçir. Rusiya müharibə iddialarını rədd etsə də, bundan narahat olan Qərb Kiyevə dəstək məqsədilə hərbi texnika göndərir. ABŞ, Böyük Britaniya, Kanada, Fransa, Polşa, Litva, Estoniya, Çexiya, Bolqarıstan və Rumıniya silah verib. Almaniya isə 5 min dəbilqə yollayacağını açıqlayıb.
