Fransanın İqtisadiyyat və Maliyyə Nazirliyi Ukrayna hökumətinə 200 milyon avro kredit dəstəyi göstərəcək. Bu haqda məlumat Ukrayna prezidentinin rəsmi saytında yayılıb.
Prezident aparatı rəhbərinin müavini Rostislav Şurma bildirib ki, Fransa kreditlə yanaşı 1 milyard avroya maliyyə zəmanəti verəcək və bu zəmanətlər çərçivəsində Fransa banklarından sərfəli şərtlərlə kredit götürə biləcəklər:
Bu vəsaitlərin istifadə oluna biləcəyi istiqamətlər Fransa ilə razılaşdırılacaq. Fransa təchizatçı və podratçılarının cəlb edilməsini təmin edəcək.
Rostislav Şurma
Şurma onu da qeyd edib ki, iki ölkə rəhbərinin görüşündə bəzi sahələri əhatə sənədlər imzalanıb.
Zelenski-Makron görüşündə imzalanan sənədlər:
- 900 milyon avro dəyərində “Alstom” elektrovozlarının maliyyələşdirilməsi və Ukraynaya tədarükü haqqında;
- Dövlət Fövqəladə Hallar Xidmətinin yanğınsöndürmə və xilasetmə avadanlıqları ilə təchizatı;
- Dövlət Sərhəd Xidməti üçün patrul katerlərinin tikintisi.
Fransa prezidentinin Ukrayna səfəri: Emmanuel Makron Rusiya-Ukrayna arasında yaranan gərginliklə bağlı Vladimir Putinlə müzakirələr aparmaq üçün 7 fevralda Moskvaya səfər edib. O, Moskvadan sonra 8 fevralda Kiyevə yollanıb. Ukrayna lideri Vladimir Zelenski ilə görüşdə sənədlər imzalanıb, toplantıdan sonra birgə mətbuat konfransı keçirilib.
