Qazaxıstanın “Tınıs” zavodu bu il “Kalaşnikov” avtomatlarının istehsalına başlamaq niyyətindədir. “RİA Novosti” yazır ki, bu barədə Qazaxıstan Sənaye və İnfrastrukturun İnkişafı Nazirliyinin mətbuat xidməti məlumat yayıb:
İl ərzində 2015-ci il model “Kalaşnikov” avtomatlarının istehsalına başlamaq planlaşdırılır. “Tınıs” zavodunda AK-12 və AK-15 avtomatları yığılacaq.
Sənaye və İnfrastrukturun İnkişafı Nazirliyi
Bundan başqa, bu il Qazaxıstanın müdafiə müəssisələri Mi-171Ş helikopterlərinin yığılmasını nəzərdə tutur.
“Kalaşnikov” AK-12 və AK-15 avtomatlarının özəllikləri:
AK-12 2011-ci ildən başlayaraq bugünədək istehsal edilir. əsas özəlliyi bir əllə istifadə oluna bilməsidir. Silahı tək əllə qoruyucudan çıxartmaq və atışın rejimini dəyişdirmək olur. Avtomata nişangah, qumbaraatan, fənər və s.yerləşdirmək üçün Pikatinni plankalarından istifadə edilib. AK-12 nizamlana bilən, eyni zamanda bükülən teleskopik qundağa malikdir.
AK-15 avtomatı 2018-ci ildən AK-12 əsasında istehasal edilir. Xüsusi Təyinatlı Qüvvələrin perspektivli fərdi atıcı silahıdır. Avtomata aşağı səsli və alovsuz atəş qurğusu quraşdırıla bilər, optik və gecə nişangahlarının quraşdırılması mümkündür.
