Rusiyanın Ukraynanı işğal edəcəyi halda Böyük Britaniya yardım göstərmək və humanitar böhrana cavab vermək üçün 1000 əsgərini hazır vəziyyətə gətirir. “UNİAN” nəşrinin məlumatına görə, bunu Böyük Britaniyanın baş naziri Boris Conson Brüsseldə NATO-nun baş katibi Yens Stoltenberqlə birgə keçirdiyi brifinqdə deyib:
Rusiya qoşunlarının Ukrayna sərhədlərinə çəkilməsinə cavab olaraq, NATO Alyansın şimalında və şərqində mövcudluğunu gücləndirir. NATO-nun şərq sərhədlərində baş verə biləcək humanitar böhrana hazırlıq məqsədilə 1000 əsgəri döyüş hazırlığı vəziyyətinə gətiririk.
Boris Conson
Conson onu da əlavə edib ki, Rusiyaya qarşı iqtisadi sanksiyalar hazırlanır, hərbi əməliyyatlara hazırlıq gedir. Lakin NATO Rusiya Federasiyası ilə dialoqun davam etdirilməsində maraqlıdır.
Qərbin Rusiyaya qarşı birləşmə səbəbi: Noyabrın əvvəlindən Rusiya Ukrayna ətrafında 100 000-dən çox hərbçi toplayıb. Qərb hesab edir ki, Rusiya toplanan ordunu Ukraynaya hücuma cəlb edə bilər. Bundan əlavə, Moskva Ukraynanın Alyansa qoşulmaması üçün Vaşinqton və NATO-ya təzyiq göstərir. Bunları nəzərə alaraq artıq bir neçə aydır ki, ABŞ və Aİ Britaniya ilə birlikdə Kremlin təcavüzünün qarşısını almaq üçün müxtəlif variantlar üzərində işləyir.
