Ukrayna ətrafında yaranan gərgin vəziyyətlə əlaqədar Yaponiya və Cənubi Koreya öz vətəndaşlarına dərhal Ukraynanı tərk etməklə bağlı çağırış edib. Bu haqda hər 2 ölkənin Xarici İşlər Nazirliyi məlumat yayıb.
Yaponiya XİN: Ukrayna ərazisində təhlükə səviyyəsini maksimum 4-cü səviyyəyə qaldırmaq qərarına gəlinib və öz vətəndaşlarımızı bu ölkənin ərazisini dərhal tərk etməyə çağırırıq.
Cənubi Koreya XİN: Ukrayna ətrafında yaranmış vəziyyətlə əlaqədar fevralın 13-dən bu ölkənin bütün ərazisi üçün dördüncü dərəcəli səyahət xəbərdarlığı (səyahət qadağası) tətbiq etmək qərara alınıb. Ukraynada olan vətəndaşlarımız təcili olaraq ölkəni tərk edərək Koreyaya və ya üçüncü ölkələrin ərazisindəki başqa təhlükəsiz yerə getməlidir.
Ukrayna ətrafında nə baş verir: Rusiya Ukrayna sərhədinə təxminən 100 000 rus əsgəri toplayıb. Bu, digər ölkələrin Ukraynaya hücumla bağlı narahatlığını artırıb. Rusiya isə hücum etmək planlarını rədd edir.
