İsveç yeni əməkdaşlıq strategiyası çərçivəsində Ukraynaya hər il 22 milyon avro verməyi planlaşdırır. Bunu İsveçin beynəlxalq inkişaf və əməkdaşlıq naziri Matilda Ernkrans Ukraynada işgüzar səfərdə olarkən deyib:
Biz həm əməkdaşlıq proqramı çərçivəsində, həm də humanitar dəstək çərçivəsində öz dəstəyimizi göstərəcəyik. İsveç hökuməti bu yaxınlarda İsveç və Ukrayna arasında yeni əməkdaşlıq strategiyası haqqında qərar qəbul edib. Proqram 7 il üçün nəzərdə tutulub və bu müddət ərzində Ukrayna hər il təxminən 22 milyon avro maliyyə dəstəyi alacaq.
Matilda Ernkrans
Nazir Ukraynaya silah tədarük ilə bağlı məsələyə də toxunaraq bəyan edib ki, İsveç silah ixracına dair çox ciddi qaydalara və nəzarətə malikdir, ona görə də Ukraynaya silah tədarük etmək planları yoxdur.
