“Böyük Yeddilik” (G7) ölkələri Rusiyanın Ukraynaya müdaxiləsi halında Moskvaya qarşı genişmiqyaslı sanksiyalar tətbiq etməyə hazır olduğunu bəyan ediblər. Bu barədə G7-nin maliyyə nazirləri birgə bəyanat yayıblar:
Rusiyanın hərbi gücünün Ukrayna sərhədləri yaxınlığında davamlı olaraq güclənməsi ciddi narahatlıq doğurur. Bizim prioritetimiz gərginliyi azaltmaq üçün səyləri dəstəkləməkdir. Bununla belə, bildiririk ki, Rusiyanın Ukraynaya qarşı hər hansı hərbi təcavüzünə çevik, koordinasiyalı və güclü cavab veriləcək.
G7-nin maliyyə nazirləri
Nazirlər qeyd ediblər ki, Rusiya iqtisadiyyatı üçün kütləvi və bilavasitə nəticələrə səbəb olacaq iqtisadi, maliyyə sanksiyaları tətbiq etməyə hazırdılar.
G7 qrupunda hansı ölkələr var: G7 ölkələrinin qeyri-rəsmi qrupuna Almaniya, Fransa, İtaliya, Yaponiya, ABŞ, Kanada və Böyük Britaniya daxildir. Əvvəllər G8 adlandırılan formatdan daha sonra Rusiya çıxarılıb. 2014-cü ildə Krımın ilhaqı ilə bağlı referendumdan sonra Rusiya artıq görüşlərə dəvət olunmayıb.
