Kanada hökuməti Ukrayna ətrafında yaranmış gərgin vəziyyətlə əlaqədar Kiyevdəki səfirliyin fəaliyyətini müvəqqəti dayandırıb. “RİA Novosti” yazır ki, bu haqda Kanadanın xarici işlər naziri Melani Coli tvitterində bildirib:
Təhlükəsizliklə bağlı Ukraynada vəziyyət pisləşməkdə davam etdiyi üçün biz əməliyyatlarımızı Lvovdakı müvəqqəti ofisə köçürəcəyik və Kiyevdəki səfirliyimizi müvəqqəti dayandıracağıq.
Melani Coli
Eyni zamanda, nazir qeyd edib ki, Kanadanın Ukraynada diplomatik mövcudluğu və fəal iştirakı davam edəcək.
Ukrayna ətrafında nə baş verir: Noyabrın əvvəlindən Rusiya Ukrayna ətrafında 100 000-dən çox hərbçi toplayıb, Belarusla birgə hərbi təlimlər keçir. Qərb hesab edir ki, Rusiya Ukraynaya hücuma edə bilər.
