İrlandiya hökuməti ATƏT-in Ukraynadakı beynəlxalq müşahidəçilər missiyasının irlandiyalı üzvlərini ölkəni tərk etməyə çağırıb. “The Times”ın yazdığına görə, ölkəni tərk etmək Ukraynadakı bütün İrlandiya vətəndaşlarına, o cümlədən ATƏT-in Xüsusi monitorinq missiyasında (SMM) çalışan 9 irland işçiyə tövsiyə olunur.
Qəzet qeyd edir ki, İrlandiya səfirlik işçilərinin sayını azaltmasa da, Xarici İşlər Nazirliyi diplomatların evakuasiyası üçün planlar hazırlayıb. Belə ki, departament işçilərin ölkəni tərk edə biləcəyi konkret hava limanlarını təyin edə bilər.
