Niderland hökuməti Ukraynaya hərbi mallar tədarük etməyi planlaşdırır. Niderland Yayım Korporasiyasının məlumatına görə, bu barədə ölkənin Nazirlər Kabinetində qərar verilib. Bildirilir ki, bununla Niderland Ukraynanın hərbi yardım istəyinə cavab verib:
Snayper tüfəngləri, döyüş dəbilqələri, jiletlər, radarlar, quru və dəniz mina detektorları göndəriləcək. Ukrayna hərbçilərinin Niderland texnikası ilə işləmək üçün təlimat və ya təlimlərə ehtiyacı olarsa, krallığın Müdafiə Nazirliyi onları Ukraynadan kənarda həyata keçirəcək.
Niderland Nazirlər Kabineti
Qeyd olunur ki, göndərilən hərbi texnika Avropa İttifaqının silah ixracı qaydalarına uyğundur.
Ukraynaya hansı ölkələr silah göndərib: ABŞ Ukraynaya 500 tondan çox silah tədarük edib. Həmçinin, Böyük Britaniya, Kanada, Fransa, Polşa, Litva, Estoniya, Çexiya, Bolqarıstan da rəsmi Kiyevə silah göndərib.
