NATO Kiyevdəki ofisini müvəqqəti bağlayaraq işçilərini Brüssel və Lvova köçürür. Bu barədə Norveçin VG kanalı NATO-nun mətbuat xidmətinə istinadən məlumat yayıb. Bildirilir ki, NATO Ukraynadakı vəziyyəti çox yaxından izləyir və bütün lazımi tədbirləri görür:
Əsas prioritet əməkdaşlarımızın təhlükəsizliyidir. Onlar Lvov və Brüsselə köçürülüblər. Beləliklə, NATO-nun Ukraynadakı ofisləri hələ də fəaliyyətini davam etdirəcək.
NATO
Təşkilat onu da əlavə edib ki, Ukraynada NATO strukturlarının fəaliyyətini tam dayandırmaq barədə hələ düşünməyiblər.
Ukraynadan diplomatların təxliyəsi: Rusiyanın Ukraynaya müdaxiləsi təhlükəsi fonunda bir sıra ölkələr öz əməkdaşlarını Kiyevdən təxliyə etmək qərarına gəliblər. Böyük Britaniya, ABŞ, Kanada və Avstraliya səfirliklərini Kiyevdən Lvova köçürüblər. Almaniya konsulluğu Dneprdən Lvova köçürülüb və işçilər ixtisar edilib.
