Rusiya ilə Ukrayna arasında gərginliyin artması əlaqədar Avstraliya Lvovdakı səfirliyini bağlayaraq bütün diplomatları Polşa və Rumıniyaya köçürür. Bu haqda bəyanat yayan Avstraliya Xarici İşlər Nazirliyi qeyd edib ki, öz vətəndaşlarına Ukraynanı dərhal tərk etməyi tövsiyə edir:
Avstraliyalıların və rəsmilərin təhlükəsizliyi bizim prioritetimizdir. Ukrayna ətrafında artan risklə əlaqədar Avstraliya rəsmilərinə Ukraynanı tərk etmək göstərişi verilib. Lvovdakı səfirliyimiz müvəqqəti olaraq bağlıdır. Avstraliya rəsmiləri Ukraynanı tərk etmək istəyən vətəndaşlarımıza kömək etmək üçün Polşa və Rumıniyaya göndərilib.
Avstraliya XİN
Rusiyanın qondarma Luqansk və Donetsk Xalq Respublikalarını tanımasını qınayan Avstraliya müttəfiq dövlətlərlə birgə Rusiyanın əsas fiziki şəxslərinə, qurumlarına qarşı sərt sanksiyalar tətbiq etməyə hazır olduğunu bəyan edib.
Ukryanda ətrafında nə baş verir: Rusiya prezidenti Vladimir Putin Ukrayna ərazisindəki qondarma Donetsk və Luqansk Xalq Respublikalarının müstəqilliyinin tanıyıb. Rusiyanın silahlı qüvvələrinə DXR və LXR ərazisində sülhməramlı funksiyaları yerinə yetirməyi tapşırıb.
