Rusiya prezidenti Vladimir Putin qondarma Donetsk və Luqansk Xalq Respublikalarının müstəqilliyinin tanınması haqqında fərman imzalayıb. O, bu barədə xalqa televiziya ilə müraciət edərkən məlumat verib:
Donetsk Xalq Respublikasının (DXR) və Luqansk Xalq Respublikasının (LXR) müstəqilliyinin tanınması ilə bağlı çoxdan gecikmiş qərarın qəbul edilməsini zəruri hesab edirəm. Əminəm ki, Rusiya xalqı məni dəstəkləyəcək.
Vladimir Putin
Daha sonra Putin Rusiyanın silahlı qüvvələrinə DXR və LXR ərazisində sülhməramlı funksiyaları yerinə yetirməyi tapşırıb.
Beynəlxalq reaksiya necədir:
- Ukrayna prezidenti Vladimir Zelenski DXR və LXR-nin tanınmasının Rusiyanın Minsk razılaşmalarından çıxması anlamına gəldiyini deyib.
- Aİ və Böyük Britaniya DXR və LXR-nin tanınmasını beynəlxalq hüququn pozulması adlandırılıb və Rusiyaya sanksiyalarla cavab verəcəklərini vəd ediblər.
- NATO-nun baş katibi Yens Stoltenberq DXR və LXR-nin tanınmasını pisləyib və hesab edir ki, bu qərar Ukraynadakı vəziyyətin nizamlanması səylərinə zərbə vurur.
- Almaniya kansleri Olaf Şolts, ABŞ Prezidenti Cozef Bayden və Fransa Prezidenti Emmanuel Makron Ukraynanın ərazi bütövlüyünü qorumaq səylərini zəiflətməmək barədə razılığa gəliblər.
DXR və LXR nədir: DXR Kiyevdə 2013-cü ilin noyabrında başlamış kütləvi etiraz aksiyalarından sonra 2014-cü ilin aprelində Donetsk vilayətinin daxilində respublika elan edilib. LXR Donnbas müharibəsi zamanı, 2014-cü il aprelində Ukraynada müstəqil, suveren respublika kimi qurulub. Mayın 11-də müstəqillik referendumu keçirilib, mayın 12-də rəsmi olaraq müstəqilliyini elan edib.
