Ukraynanın Milli Təhlükəsizlik və Müdafiə Şurası ölkə ərazisində fövqəladə vəziyyətin tətbiqi barədə qərar qəbul edib. Bunu Milli Təhlükəsizlik və Müdafiə Şurasının katibi Aleksey Danilov brifinq zamanı deyib. Onun sözlərinə görə, bu qərarı Ali Rada təsdiq etməlidir, prosedur 48 saat çəkir:
Qərar Donetsk və Luqanks vilayətlərinə şamil edilmir. Fövqəladə vəziyyət tətbiq edildikdən sonra hakimiyyət əhalidən qeydiyyatda olan silahları müsadirə etmək niyyətində deyil. Fövqəladə rejimin 30 gün müddətinə tətbiq edilməsi, zəruri hallarda 60 günə qədər uzadılması nəzərdə tutulur.
Aleksey Danilov
Fövqəladə vəziyyət rejimində bu tədbirlər tətbiq oluna bilər:
- fövqəladə vəziyyətin tətbiq olunduğu ərazidə xüsusi giriş-çıxış rejiminin tətbiqi;
- nəqliyyat vasitələrinin hərəkətinin məhdudlaşdırılması və yoxlanılması;
- kütləvi tədbirlərin keçirilməsinin qadağan edilməsi;
- mühafizəsinin gücləndirilməsi;
- hərəkətin məhdudlaşdırılması;
Danilov onu da əlavə edib ki, hazırda Ukraynada hərbi vəziyyətin elan olunması ilə bağlı qərar yoxdur, lakin ehtiyac olduqda dərhal tətbiq olunacaq.
