Avropa Şurası və Avropa Komissiyasının rəhbərləri Şarl Mişellə Ursula fon der Leyen tvitterdə Ukraynaya dəstək üçün birgə bəyanat yayıblar. Bəyanat Avropa Şurasının saytında da dərc olunub:
Biz Rusiyanın Ukraynaya əsassız hücumunu qətiyyətlə pisləyirik. Bu qaranlıq vaxtlarda düşüncələrimiz Ukrayna ilə, səbəbsiz hücumla üzləşib öz həyatları üçün qorxan günahsız qadınlar, kişilər və uşaqlarladır. Biz Kremli məsuliyyətə cəlb edəcəyik.
Aİ liderləri
Avropa İttifaqının hər iki lideri Rusiyanı döyüş əməliyyatlarını dərhal dayandırmağa, qoşunlarını Ukraynadan çıxarmağa və Ukraynanın ərazi bütövlüyünə, suverenliyinə və müstəqilliyinə hörmət etməyə çağırıb.
