Azərbaycanın Xarici İşlər Nazirliyi Ukraynadakı vəziyyətlə əlaqədar, orada yaşayan Azərbaycan vətəndaşlarına mürəciət edib. Nazirliyin yaydığı məlumatda bu ölkədə daimi və müvəqqəti yaşayan vətəndaşlara hərbi qüvvələrin cəmləşdiyi ərazilərə səyahət etməmək, ölkə ərazisindəki hərbi obyektlərdən uzaq olmaq tövsiyə olunub:
Vətəndaşlarımıza ehtiyac olmadığı təqdirdə evlərində və ya güvənli yerlərdə qalmaları və səyahətlərdən çəkinmələri məsləhət görülür. Eyni zamanda, vətəndaşlarımıza Ukrayna dövlət orqanlarının rəsmi məlumatlarını izləmələri tövsiyə edilir.
Azərbaycan XİN
Qeyd olunub ki, xüsusi hallarla bağlı vətəndaşlarımız Azərbaycanın Kiyevdəki səfirliyi, Xarkov şəhərindəki fəxri konsulluğu ilə məlumat əldə edə bilərlər.
