Finlandiya prezidenti Sauli Niinistye Ukraynaya 15 milyon avro yardım ayıracaqlarını açıqlayıb. O, bu haqda şəxsi tvitter hesabında yazıb:
Bu səhər prezident Vladimir Zelenski ilə telefonla danışdım. Bu dəhşətli vəziyyətdə fin xalqının Ukraynaya dərin rəğbətini ifadə etdim. Mən ona Finlandiyanın Ukraynaya 15 milyon avroya yaxın yardım ayırdığı barədə məlumat verdim.
Sauli Niinistye
Ukraynada nə baş verir: Fevralın 24- də Rusiya prezidenti Vladimir Putin Ukraynaya qarşı xüsusi hərbi əməliyyat keçirməyə qərar verdiyini açıqlayıb. Ukraynanın müxtəlif bölgələrində döyüşlər başlayıb. Putinin bu qərarına qarşı çıxan Qərb və avropa ölkələri Ukraynaya dəstək olduqlarını vurğulayıblar. Aİ və Britaniya Rusiyaya qarşı sərt sanksiyalar hazırlayıb. Bir çox ölkələr Rusiya ilə biznes əlaqələrini dayandırmağa başlayıblar.
