Avropa Şurasının Nazirlər Komitəsi Rusiyanın təşkilatdakı üzvlüyünün dayandırılması proseduruna başlayıb. Bu barədə Polşanın Baş naziri Mateuş Moravetski tvitter hesabında məlumat verib:
Prosedur Polşa və Ukraynanın təşəbbüsü ilə başlayıb. Yekun qərar tezliklə veriləcək.
Mateuş Moravetski
“İnterfax”ın məlumatına görə, Rusiya Dövlət Dumasının vitse-spikeri, Avropa Şurası Parlament Assambleyasındakı nümayəndə heyətinin rəhbəri Pyotr Tolstoy üzvlüyün dayandırıldığını açıqlayıb:
Avropa Şurasının Nazirlər Komitəsi ölkəmizin bu təşkilata üzvlüyünü dayandıraraq Rusiya ilə əməkdaşlıqdan imtina edib.
Pyotr Tolstoy
Deputat əlavə edib ki, Rusiya nümayəndə heyəti dürüst olub, dialoqu sona qədər davam etdirməyə çalışıb. Tolstoyun fikrincə, bundan sonra dialoqun bərpası Avropa Şurasından asılı olacaq.
