Rusiya Ukraynanın texnoloji obyektlərini vuracağını açıqlayaraq Kiyev sakinlərinə evlərini tərk etməyi tövsiyə edib. “RİA Novosti”nin məlumatına görə, bunu Rusiya Müdafiə Nazirliyinin rəsmi nümayəndəsi general-mayor İqor Konaşenkov açıqlayıb:
Müdafiə Nazirliyi informasiya hücumlarının qarşısını almaq üçün Ukrayna Təhlükəsizlik Xidmətinin texnoloji obyektlərinə və Kiyevdəki 72-ci əsas psixoloji xüsusi əməliyyat mərkəzinə zərbələr endirəcəyik. Ukrayna vətəndaşlarını, eləcə də şəbəkə qovşaqları yaxınlığında yaşayan Kiyev sakinlərini evlərini tərk etməyə çağırırıq.
İqor Konaşenkov
Nazirliyin rəsmisi izah edib ki, hərbi əməliyyat başlayandan bəri Rusiyanın dövlət qurumlarına məlumat hücumlarının sayı xeyli artıb. Ruslara ölüm təhdidləri ilə zənglər edilib, məktəblər, uşaq bağçaları, dəmiryol vağzalları və digər sosial obyektlərin bombalanacağı haqda məlumatlar gəlib.
Konaşenkov əlavə edib ki, Rusiyaya edilən informasiya hücumları Ukraynanın informasiya-silahlı qüvvələrinin 72-ci əsas mərkəzi və Ukrayna Təhlükəsizlik Xidmətinin kiber əməliyyat qüvvələri tərəfindən Kiyevdə aparat-proqram sistemləri, rabitə vasitələri ilə həyata keçirilir.
