ABŞ prezidenti Co Bayden hava məkanını bütün Rusiya təyyarələri üçün bağladıqlarını bəyan edib. O, bu haqda konqresdə çıxış edərkən danışıb:
Müttəfiqlərimizin ardınca biz də Rusiyanı təcrid etmək üçün Amerika hava məkanını Rusiya təyyarələrinə bağlayırıq və onların iqtisadiyyatına təzyiqi artırırıq.
Co Bayden
ABŞ Nəqliyyat Nazirliyinin məlumatına görə, ABŞ hava məkanından istifadəyə qoyulan qadağa Rusiya ilə əlaqəli bütün təyyarələrə, o cümlədən çarter reyslərə şamil edilir.
Rusiyaya hava məkanını bağlayan ölkələr: Rusiyanın Ukraynana hücumundan sonra Aİ ölkələri də daxil olmaqla, ümumilikdə 30-dan çox ölkə hava məkanını Rusiya üçün bağlı elan edib. Almaniya qərarın 3 ay üçün nəzərdə tutulduğunu açıqlayıb. Digər ölkələr isə hava məkanını nə zaman açacaqları barədə tarix bildirməyiblər. Bundan başqa, “Boeing” şirkəti Rusiya aviaşirkətlərinə texniki dəstəyi dayandırıb.
