Gürcüstanın baş naziri İrakli Qaribaşvili COVID-19 peyvəndlərinin effektivliyindən şübhə etdiyini bildirən bir neçə bəyanat verib. OC Media yazır ki, baş nazir açıqlamasında “omicron” ştammına qarşı peyvəndin yararlı olmadığını bildirirək peyvəndin buster dozasını qəbul etməyi düşünmədiyini deyib.
Baş nazirin peyvəndlə bağlı açıqlamaları:
- Mən gücləndirici peyvənd etdirməmişəm. Bunun heç bir mənası yoxdur.
- “Omicron” ştammına yoluxub sonra sağalan insanlar və mən yenə də Amerika, Avropa alimlərinə güvənir. Onlar gücləndirici doza ilə peyvənd olunanlardan daha güclü immunitetə malikdirlər.
- Mənim peyvənd əleyhinə olduğumu iddia edərək tənqid edirlər və “vaksin əleyhadarı” adlandırırlar. Halbuki, Gürcüstana 5 milyon peyvəndi mən idxal etmişəm. Mən gələndə vaksin sayı sıfıra bərabər idi. İki dəfə COVID-ə yoluxmuşam və 2 dəfə “Pfizer” peyvəndi etdirmişəm.
- Peyvəndlər daha öncəki ştammlara qarşı işə yarayıb, lakin, “omicron” ştammında nəticə verməyib. Olubsa, belə nəticə faizi çox aşağıdır.
Qeyd edək ki, oktyabr ayında Qaribaşvili Gürcüstanda məcburi peyvəndə “icazə verməyəcəyinə” bəyan etmişdi. Bu fikrinə görə müəyyən qruplar üçün məcburi peyvəndin tətbiqinə dəstək verən tibbi qurumlar tərəfindən kəskin tənqid edilmişdi.
Qaribaşvilinin peyvənd və karantin qalmaqalı: Baş nazir avqust və sentyabr aylarında 2 doza “Pfizer” peyvəndi olunmamışdan əvvəl gürcü müxalifəti tərəfindən tənqid atəşinə tutulub. Səbəb isə o vaxta kimi baş nazirin və onun kabinetinin çox hissəsinin peyvənd olunmaması göstərilib. Avqust ayında Qaribaşvilinin fotosu COVID-19 qaydalarını pozaraq izdihamlı məkanda qatıldığı şam yeməyində çəkilib. Onun bu hərəkəti də tənqid atəşinə tutulub.
