İspaniyanın baş naziri Pedro Sançes Ukraynanı hücum silahları ilə təmin edəcəklərini açıqlayıb. “RİA Novosti”nin məlumatına görə, nazir bunu deputatların qurultayında çıxışı zamanı açıqlayıb:
Biz Avropa İttifaqı tərəfindən Ukraynaya müdafiə və hücum silahlarının tədarükü üçün Avropa Sülh Fondunun aktivləşdirilməsini dəstəkləyirik. İspaniya bu fondun 4-cü donorudur. Bu, mənim və İspaniya hökumətinin mövqeyidir.
Pedro Sançes
Sançes qeyd edib ki, Rusiyanın Ukraynaya hücumu Avropaya, onun prinsiplərinə, dəyərlərinə hücumdur və Avropa üçün təhlükəyə avropasayağı cavab verilməlidir.
İspaniyanın Ukraynaya dəstəyi: Bundan əvvəl də Ukraynaya 20 ton humanitar yardım və dəbilqə, jilet göndərilib.
