Avropa İttifaqı Rusiyaya avro əskinaslarının satışı, tədarükü, köçürülməsi və ya ixracını qadağan etdiyini açıqlayıb. Bu barədə məlumat Aİ-nin rəsmi saytında dərc olunub:
Avro əskinaslarının Rusiyaya, orada yaşayan hər hansı fiziki, hüquqi şəxsə, təşkilat və ya orqana, o cümlədən Rusiya hökuməti və Mərkəzi Bankına satılması, tədarükü, köçürülməsi, ixracı, həmçinin Rusiya ərazisində istifadə edilməsi qadağandır. Yalnız zəruri olan xüsusi hallarda istisna mövcuddur.
Avropa İttifaqı
Yalnız bu hallarda istifadəyə icazə verilir:
- Rusiyaya səyahət edən şəxslərin və ya onlarla birlikdə səyahət edən yaxın ailə üzvlərinin şəxsi istifadəsi üçün;
- Rusiyadakı diplomatik nümayəndəliklərin, konsulluq idarələrinin və ya beynəlxalq təşkilatların rəsmi məqsədləri üçün istifadəsinə.
Qeyd edək ki, eyni zamanda Avropa İttifaqı Rusiyanın daha əvvəl sanksiyalara məruz qoyduğu 7 bankını banklararası ödəniş sistemi SWIFT-dən çıxarıb.
