Rusiyalı iş adamı, milyarder Roman Abramoviçin sahibi olduğu “Çelsi” futbol klubunu satmaq istədiyi iddia edilir. Bu iddianı isveçrəli milyarder Hansyorq Viss “Blick” nəşrinə müsahibə zamanı səslənidirib. Onun sözlərinə görə, Abramoviç ona klubu almağı təklif edib, lakin həddindən artıq pul istəyib:
Bütün rus oliqarxlar kimi Abramoviç də təşviş içindədir. O, İngiltərədəki bütün villalarını satmağa çalışır. Mən və daha 3 nəfər iş adamından “Çelsi”ni almaq təklifi almışıq, dəqiq satış qiymətini bilmirik. Düşünmək üçün 4-5 gün gözləməliyəm. Bilirsiniz, “Çelsi”nin ona 2 milyard funt sterlinq borcu var. Ancaq klubun pulu yoxdur.
Hansyorq Viss
86 yaşlı isveçrəli milyarder vurğulayıb ki, “Çelsini”almaq üçün əvvəlcə ümumi şərtləri öyrənəcək,klubu almaq qərarına gəlsə, bunu 6-7 investordan ibarət konsorsiumla edəcək.
Roman Abramoviçin narahatlıq səbəbi: Ukraynaya hücumdan sonra Britaniya Rusiyaya və rus oliqarxlara qarşı sanksiyalar hazırlayıb, onların İngiltərədəki hesabları dondulurub. Krallıq prezident Vladimir Putinin dostu olan Roman Abramoviçin də sanksiya siyahısına salınması ilə bağlı tələblər irəli sürüb. Hətta Britaniyanın Leyboristlər Partiyasından olan deputat Kris Bryant “Bloomberg”ə bildirib ki, Abramoviç potensial maliyyə sanksiyalarından qaçmaq üçün tələsik Böyük Britaniyadakı əmlakını və başqa mənzillərini satmağa hazırlaşır.
