ABŞ Ukraynadakı hadisələrə görə Rusiyanın müdafiə müəssisələrinə qarşı tam bloklayıcı sanksiyalar tətbiq etməyə başlayır. Bununla bağlı bəyanat Ağ Evin rəsmi saytında yerləşdirilib:
Sanksiyalar Rusiya ordusu üçün döyüş təyyarələri, piyada döyüş maşınları, elektron döyüş sistemləri və pilotsuz təyyarələr istehsal edən firmalar da daxil olmaqla, müdafiə sektoru ilə bağlı 22 strukturu əhatə edəcək.
Ağ Ev
ABŞ administrasiyası müttəfiqləri və tərəfdaşları ilə birgə Rusiya və Belarus Silahlı Qüvvələrinə dəstək verən təşkilatlara qarşı da əlavə sanksiyalar tətbiq edəcəyini vurğulayıb.
Nəzərdə tutulan sanksiyalar:
- Rusiyanın müdafiə sektorunu hədəf alan geniş sanksiyalar olacaq. Müdafiə ilə bağlı 22 qurum sanksiyalara məruz qalacaq.
- Putinin müharibəsini dəstəklədiyinə görə Belarusa texnoloji malların idxalını dayandırmaq üçün geniş məhdudiyyətlər qoyulub.
- Ticarət Departamenti uzunmüddətli perspektivdə Rusiyanın emal gücünü dəstəkləyəcək texnologiyaların ixracına məhdudiyyətlər qoyacaq.
- Ticarət Departamenti Rusiya və Belarus təhlükəsizlik xidmətləri, hərbi və müdafiə sektorlarında iştirak etmiş, onlara töhfə vermiş və ya başqa şəkildə dəstək vermiş qurumları hədəf alacaq.
- Amerika hava məkanı bütün Rusiya uçuşları üçün bağlayaraq Rusiya iqtisadiyyatını zəiflədəcək.
Rəsmi Vaşinqtonun fikrincə, yeni məhdudiyyətlər uzun illər Rusiyanın müdafiə sektorunu və onun hərbi gücünü zəiflədəcək.
