Ermənistan parlamentində bu gün keçirilən səsvermənin ikinci turunda Vaaqn Xaçaturyan ölkənin prezidenti seçilib. Ermənistan KİV-lərinin məlumatına görə, yeganə namizəd olan Vaaqn Xaçaturyana 71 deputat səs verib.
Səsvermənin birinci turunda müxalifət seçkilərdə iştirakdan imtina etdiyi üçün Xaçaturyan səs azlığı səbəbindən seçilə bilməyib. Ermənistan parlamentindəki müxalifət fraksiyaları prezident seçkisini boykot ediblər.
Vaaqn Xaçaturyan kimdir:
- 1990-cı illərin əvvəllərində İrəvanın meri;
- 1995-1999-ci illərdə Ermənistan Milli Məclisinin birinci çağırış deputatı;
- 1996-1998-ci illərdə Ermənistan prezidentinin müşaviri;
- 2019-2021-ci illərdə “Armekonombank”ın İdarə Heyətinin üzvü;
- 2021-ci ildə yüksək texnologiyalar sənayesi naziri.
Qeyd edək ki, Xaçaturyan Ermənistanın 5-ci prezidentidir. Ondan əvvəl prezident postunda Armen Sarkisyan olub.
