Haaqa Məhkəməsi Rusiyanın Ukraynaya hücumu ilə bağlı hərbi cinayətləri araşdırmağa başlayacağını bəyan edib. BBC-nin məlumatına görə, Beynəlxalq Cinayət Məhkəməsinin baş prokuroru Kərim Xan Rusiyanın törətdiyi hərbi cinayətlərlə bağlı araşdırmaya başlanıldığını bildirib:
Ukraynadakı vəziyyətin ilkin təhlilindən sonra ofisim bizim məhkəmənin yurisdiksiyasına daxil olan cinayətlərin törədilə biləcəyinə inanmaq üçün kifayət qədər əsas gördü. Konkret hallar artıq aşkarlanıb və istintaqın əsasını təşkil edəcək.
Kərim Xan
Bundan əvvəl Kərim Xan istintaqa başlamaq üçün məhkəmənin prezident şurasına müraciət edəcəyini bildirsə də, 38 ölkənin tribunala müraciəti ona dərhal işə başlamaq üçün əsas verib.
Haaqa Məhkəməsi nədir: Beynəlxalq Ədalət Məhkəməsi Birləşmiş Millətlər Təşkilatının ali məhkəmə orqanıdır, qərargahı Niderlandın Haaqa şəhərindəki Barış Sarayındadır. Beynəlxalq Məhkəmənin səlahiyyətləri ancaq dövlətlər arasındakı mübahisələrə aiddir. Dövlətlər arasındakı mübahisələrə bütün tərəflərin razılığı ilə baxıla bilər. Məhkəmənin səlahiyyəti dövlət üçün məcburi yox, yalnız fakültətivdir. Məhkəmədə 15 hakim olur və onlar əsasən BMT-yə üzv dövlətlər arasından, BMT-in Baş Assambleyası və BMT-in Təhlükəsizlik Şurası tərəfindən müstəqil şəkildə seçilir.
