Xaricdən olan könüllülərdən 16 min nəfərin artıq Ukraynanı müdafiə etmək üçün yola düşdüyü məlum olub. Bu barədə prezident Vladimir Zelenski ukraynalılara videomüraciətində danışıb:
Ukrayna artıq ölkəmizə gedən əcnəbi könüllülərlə görüşür. İlk partiyada olan16 mindən çox adam azadlığımızı müdafiə etməyə gəlir.
Vladimir Zelenski
Prezident onu da vurğulayıb ki, ölkəyə tərəfdaşlardan silah tədarükü davam edir.
Əcnəbilər niyə Ukraynada döyüşmək istəyir: 27 fevralda Zelenski əcnəbiləri Ukraynaya gəlməyə və Rusiya qoşunlarına qarşı döyüşə qoşulmağa çağırıb. Əcnəbilərdən ayrıca bir bölmə – Ukraynanın Beynəlxalq Ərazi Müdafiəsi Legionu yaradılır. Beynəlxalq Legiona qeydiyyatdan keçmək istəyən şəxslər öz ölkələrindəki Ukrayna Səfirliyinin Müdafiə Attaşesi ilə əlaqə saxlayırlar.
