Rusiya hökuməti ölkəsinə, şirkətlər və vətəndaşlarına qarşı “qeyri-dost” münasibəti nümayiş etdirən ölkələrin siyahısını tərtib edib. Nazirlər Kabinetinin yaydığı məlumata görə, siyahı prezident Vladimir Putinin “Bəzi xarici kreditorlar qarşısında öhdəliklərin yerinə yetirilməsinin müvəqqəti qaydası haqqında” fərmanı çərçivəsində təsdiqlənib. Siyahıda Ukrayna başda olmaqla, Aİ ölkələri və dünyanın 50 dövləti yer alıb.
Siyahıdakı ölkələrin bir qismi:
- ABŞ;
- Kanada;
- Aİ ölkələri;
- Böyük Britaniya
- Monteneqro;
- İsveçrə;
- Albaniya;
- Andorra;
- İslandiya;
- Lixtenşteyn;
- Monako;
- Norveç;
- San-Marino;
- Şimali Makedoniya;
- Yaponiya;
- Cənubi Koreya ;
- Avstraliya;
- Mikroneziya;
- Yeni Zelandiya;
- Sinqapur;
- Tayvan.
Onu da qeyd edək ki, siyahıda yer alan ölkələr Rusiyanın Ukraynaya hücumundan sonra Rusiyaya qarşı sanksiyalar tətbiq edib və ya sanksiyalara onlara qoşulub.
Fərmanda nə əks olunub: Putinin imzaladığı fərmana əsasən, “qeyri-dost” ölkələrin xarici kreditorlarına ödəmələri olan Rusiya vətəndaşları, şirkətləri və dövlətin özü yalnız rublla ödəniş edə biləcəklər. Yeni müvəqqəti prosedur ayda 10 milyon rubldan çox olan ödənişlərə (və ya xarici valyutada analoji məbləğə) şamil edilir.
Rusiyanın “qeyri-dost” ölkə anlayışı nədir: Bu termin ilk dəfə olaraq Rusiya qanunvericiliyində ötən ilin aprelində ortaya çıxıb. Daha sonra prezident Vladimir Putin belə dövlətlərin Rusiyadakı diplomatik nümayəndəliklərində başqa ölkələrin vətəndaşlarını işə cəlb etməsinə qadağa qoyulması haqqında fərman imzalamışdı.
