Avropa İttifaqı 14 rus iş adamı və onların ailələrinə, həmçinin Rusiya Dumasının 146 deputatına qarşı yeni sanksiyalar tətbiq edəcək. “RİA Novosti” yazır ki, Avropa Komissiyasının yaydığı bəyanatda siyahısı hələ açıqlanmasa da, oliqarxların hansı sektordan olduğu qeyd edilib:
İqtisadiyyatın əsas sektorlarında iştirak edən 14 oliqarx və iri biznesmen, onların ailələri Rusiyaya əhəmiyyətli gəlir gətirirlər.
deyə qeyd olunub
Sanksiyaların şamil olunduğu sektorlar:
- metallurgiya;
- kənd təsərrüfatı;
- əczaçılıq;
- telekommunikasiya;
- rəqəmsal sektor.
Hansı sanksiyalar olacaq:
- Aİ ölkələrinə səfər qadağan edilir;
- Aİ-dəki bütün aktivləri dondurulur.
Qeyd olunub ki, 146 deputat tanınmayan Donetsk və Luqansk Xalq Respublikaları ilə Rusiyanın qarşılıqlı yardım sazişlərini təsdiqlədiklərinə görə sanksiyalara məruz qalacaqlar.
