Böyük Britaniya ukraynalı qaçqınlar üçün viza proqramını asanlaşdıraraq onlayn rejimə keçirib. BBC-nin məlumatına görə, bunu Krallığın daxili işlər naziri Priti Patel deyib. O, bildirib ki, gələn həftədən etibarən ukraynalıların Britaniyaya səfər etmək üçün viza müraciəti mərkəzinə getməsinə ehtiyac qalmayacaq:
Pasportları olan ukraynalılar harada olurlarsa olsunlar, onlayn olaraq icazə ala biləcəklər və biometrik məlumatlarını artıq Böyük Britaniyada təhvil verə biləcəklər.
Priti Patel
Nazir onu da əlavə edib ki, Böyük Britaniyaya daxil olan ukraynalıların təhlükəsizlik yoxlamaları da davam edəcək.
