Avstraliya hökuməti rusiyalı 33 iş adamı və onların ailə üzvlərinə qarşı sanksiya tətbiq etdiyini açıqlayıb. Hökumətin rəsmi saytında yerləşdirilən məlumatda qeyd olunub ki, sanksiyalar Avstraliyada sərvət qazanan və Rusiya üçün iqtisadi, strateji əhəmiyyət kəsb edən şəxslərə, o cümlədən Rusiya prezidenti Vladimir Putinlə yaxın əlaqələri olanlara şamil olunub.
Siyahıda olan iş adamları:
- Roman Abramoviç – iş adamı, “Çelsi” klubunun sahibi;
- Aleksey Miller – “Qazprom”un İdarə Heyətinin sədri;
- Dmitri Lebedev – “Rossiya” bankının İdarə Heyətinin sədri;
- Sergey Çemezev – “Rostex”in İdarə Heyətinin sədri;
- Nikolay Tokarev – “Transneft”in baş direktoru;
- İqor Şuvalov – VEB (Vneşekonombank) sədri;
- Kirill Dmitriyev – Rusiya İnvestisiya Fondunun rəhbəri.
Beləliklə, Avstraliya da daha əvvəl rusiyalı iş adamlarına, onların ailələrinə qarşı sanksiyalar tətbiq edən ABŞ, Böyük Britaniya və digər ölkələrə qoşulub.
