Azərbaycanın Xarici İşlər Nazirliyi Ukraynada müharibə başlayandan bugündək təxliyə olunanların sayını açıqlayıb. Nazirliyin məlumatına görə, Ukraynadakı vəziyyətlə əlaqədar, Azərbaycan vətəndaşlarının və onların ailə üzvlərinin qonşu ölkələrin ərazisindən keçməklə Azərbaycana təxliyəsi davam edir:
14 marta qədər Azərbaycana 7500-dən artıq şəxs təxliyə olunub. Onlardan 3 minə yaxını çarter reyslərlə, 4500-dən çoxu isə avtobuslarla evakuasiya edilib.
Azərbaycan XİN
Bildirilib ki, Azərbaycan tərəfindən Rumıniyanın Yassi və Buxarest, Polşanın Katoviçe şəhərlərindən indiyədək 15 çarter reysi təşkil olunub. Reyslərlə əsasən qadınlar, uşaqlar, yaşlılar, xəstələr və digər həssas qrupa daxil olan vətəndaşların təxliyəsinə üstünlük verilib.
