Rusiyanın Avropa Şurasından çıxarılması ilə bağlı yekun qərar verilib. Bu haqda qurumun rəsmi saytı məlumat yayıb:
Nazirlər Komitəsi bu gün keçirilən növbədənkənar iclasında Rusiyanın Avropa Şurasına üzvlüyünün dayandırması barədə qərar qəbul edib. Beləliklə, Rusiya Federasiyasının 26 illik fəaliyyətindən sonra assambleyadakı üzvlüyünə xitam verilir.
deyə bildirilib
Qeyd olunub ki, Avropa Şurasının bu qərarını 46 ölkə dəstəkləyib.
Rusiya təşkilatdan niyə çıxarıldı: Rusiya Ukraynaya hücum etdikdən sonra, fevralın 25-də Avropa Şurasının Nazirlər Komitəsi təşkilat nizamnaməsinin 8-ci maddəsinə uyğun olaraq Rusiyanın çıxarılması proseduruna başlamışdı. Martın 15-də isə Rusiya tərəfi təşkilatdan çıxmaqla bağlı AŞ-nın baş katibinə rəsmi müraciət göndərib.
