Avropa Şurası Nazirlər Komitəsi Rusiyanın Ukraynaya hücumunda oynadığı rola görə Belarusla əməkdaşlığı dayandırmaq qərarına gəlib. Bu barədə beynəlxalq təşkilatın mətbuat xidməti məlumat yayıb:
Belarusun təşkilatın bütün iclaslarında və tədbirlərində iştirak hüquqları dayandırılır. Bu, Belarusun Avropa Şurasının, o cümlədən Venesiya Komissiyasının qismən razılaşmalarında iştirakına da aiddir.
AŞ Nazirlər Komitəsi
Təşkilat həmçinin, Minsklə istənilən texniki əməkdaşlığı dayandırmaq niyyətindədir. Eyni zamanda, Avropa Şurası Nazirlər Komitəsi vətəndaş cəmiyyəti və qaçaq müxalifətçilərlə əlaqələri itirməmək və gücləndirmək qərarına gəlib.
