Ermənistanda Azərbaycan və Türkiyə vətəndaşlarının aldıqları daşınmaz əmlakların sayı məlum olub. “Sputnik Armenia”nın məlumatına əsasən, bu barədə Əmlakın Kadastrı üzrə Dövlət Komitəsinin rəhbəri Suren Tovmasyan açıqlama verib:
Səhv etmirəmsə, 2002-ci ildən Türkiyə vətəndaşları tərəfindən daşınmaz əmlak alqı-satqısı ilə bağlı 72 əməliyyatımız olub. Onların əksəriyyəti mənzillər, digər hissəsi isə kiçik ictimai obyektlərdir.
deyə bildirib
Komitə rəhbəri Azərbaycan vətəndaşlarının da Ermənistanda əmlak aldığını qeyd edib:
Azərbaycan vətəndaşlarının iştirakı ilə həyata keçirilən daşınmaz əmlak müqavilələrinə gəldikdə isə, bütün dövr ərzində 5-6 belə hal qeydə alınıb.
Suren Tovasyan
Tovmasyanın vurğulayıb ki, daşınmaz əmlak kənd təsərrüfatı təyinatlı deyilsə, Ermənistan qanunvericiliyi istənilən ölkənin vətəndaşına respublikada daşınmaz əmlak almağa imkan yaradır.
Əmlaklar necə və nə vaxt alınıb: Məmur türk və azərbaycanlıların daşınmaz əmlakları hansı dövrlərdə alındığını söyləməkdə çətinlik çəksə də, Azərbaycan vətəndaşlarının obyekti hansı üsulla aldığını izah edib. Onun sözlərinə görə, həmin şəxslər səyahət sənədi alıblar və bu, öz ölkəsindən qaçan əcnəbilərə verilir. Həmin sənəd onlara gəldiyi ölkənin ərazisində daşınmaz əmlak almaq imkanı yaradır.
