Ukraynanın Baş naziri Denis Şmiqal Ukrayna iqtisadiyyatı, digər ölkələrdən humanitar yardımlar və dövlətin bərpası planı ilə bağlı son xəbərləri açıqlayıb. Mətbuat konfransında xalqa müraciət edən Şmiqal bildirib ki, son bir həftədə ölkədə iş yerlərində canlanma yaranıb, artıq bir neçə iri zavod yenidən işə başlayır.
Baş nazirin qeyd etdiyi əsas məqamlar:
- Bir neçə gün ərzində 120 mindən çox sahibkar dövriyyənin 2%-ni təşkil edən yeni vergi sisteminə keçid üçün müraciət edib;
- Son 24 saat ərzində “Diya” vasitəsilə 1000 yeni fərdi sahibkar qeydiyyatdan keçib;
- 1,5 minə yaxın istehsal müəssisəsi köçürülmək üçün müraciət edib;
- Dövlət cəbhəyanı şəhərlərdə ukraynalılar üçün 10 milyonluq ərzaq paketi alır;
- Norveç Ukraynaya 20 milyon vəsait ayırıb;
- Fransadan 300 milyon avroluq dəstək, Avropa Birliyindən isə 120 milyon avroluq qrant almaq barədə razılığa gəlinib;
- Prezident ABŞ hökuməti ilə Ukraynaya 500 milyon dollar ayırmaq haqda razılaşıb.
Denis Şmiqal onu da əlavə edib ki, ölkə dünyadan minlərlə ton humanitar yardım almağa davam edir və indiyədək 163 min tondan çox yardım gəlib.
