Avropa Şurası Nazirlər Komitəsi Avropa Məhkəməsinin qərarlarının icra durumu ilə bağlı 2021-ci il üzrə hesabatı açıqlayıb. Hesabatda qeyd olunub ki, ötən il ümumilikdə 1122 qərarın icrası başa çatdırılıb, Azərbaycandan cəmi 46 qərar icra mərhələsinə daxil olub.
Qonşu ölkələrdə icra mərhələsində olan qərar sayı:
- Rusiya – 267;
- Ermənistan – 22;
- Gürcüstan – 12.
Avropa Məhkəməsinin qərarlarını icra etməyən ölkələr sırasında Rusiya lider, Azərbaycan isə 5-ci pillədədir.
Onluqda yer alan ölkələr:
1. Rusiya – 1942;
2. Ukrayna – 638;
3. Türkiyə – 510;
4. Rumıniya – 409;
5. Azərbaycan – 271;
6. Macarıstan – 265;
7. İtaliya – 170;
8. Moldova – 170;
9. Bolqarıstan – 164;
10. Polşa – 97.
Qonşu ölkələrdən Gürcüstan 63, Ermənistan isə 50 qərarı icra etməyib.
Neçə qərarın icrası başa çatıb: 2021-ci ildə ümumilikdə 1122 qərar icra edilib. Azərbaycanla bağlı 12 qərarın icrasına nəzarət qapalı elan edilib. Ötən il qərarları ən çox Türkiyə (222), Rusiya (133) və Ukrayna (126) icra edib.
Nə qədər təzminat ödənilib: Hesabata görə, ötən il Azərbaycan ərizəçilərə ümumilikdə 890 min avro ödəyib. Ermənistanda bu məbləğ 298 min, Gürcüstanda isə 106 min avro olub.
Ən çox təzminat ödəyən ölkələr:
- Rusiya – 11 milyon 917 min avro;
- İtaliya – 3 milyon 190 min avro;
- Moldova – 2 milyon 558 min avro.
Avropa Şurası Nazirlər Kabinetinin məlumatlarında vurğulanıb ki, son 3 ildə Azərbaycanın icra üzrə göstəricilərində yaxşılaşma müşahidə olunub. Ölkələr üzrə çıxarılmış qərarların icrası edilməsi faizlə hesablandıqda Azərbaycan 1-cı sırada gəlir.
