Almaniya Xarici İşlər Nazirliyinin rəhbəri Annalena Berbok 40 rusiyalı diplomatı persona non-qrata elan etdiklərini açıqlayıb. Nazir bu haqda tvitter hesabında yazıb:
Buçadan (red: Ukrayna şəhəri) olan görüntülər Rusiya rəhbərliyinin və onun təbliğatını aparanların inanılmaz qəddarlığına dəlalət edir. Buna görə də federal hökumət azadlığımıza, cəmiyyətimizin birliyinə qarşı hər gün Almaniyada işləyən Rusiya səfirliyinin xeyli sayda əməkdaşını arzuolunmaz elan etmək qərarına gəlib.
Annalena Berbok
XİN başçısı onu da vurğulayıb ki, Almaniya tərəfdaşlıq etdiyi ölkələrlə birlikdə növbəti addımlara başlayacaq.
Almaniyanın qərarına Rusiya nə reaksiya verib: Rusiya Xarici İşlər Nazirliyinin rəsmi nümayəndəsi Mariya Zaxarova bildirib ki, Rusiya alman siyasi maşınının bu pis hərəkətinə cavab verəcəyik.
Buçada nə baş verib: Müharibə başlayandan Buçada silahlı toqquşmalar bir aydan çox davam edib. Aprelin 4-dən etibarən şəhər Ukrayna ordusunun nəzarəti altına alınıb. Hərbçilər və hüquq-mühafizə orqanlarının əməkdaşları küçələrdə əl-qolu bağlanaraq öldürülən dinc əhali, işgəncələr və təcavüz edilərək qətlə yetirilən azyaşlıların cəsədlərini aşkar edib. Yerli hakimiyyət orqanlarının məlumatına görə həlak olanlardan bəzilərinin 14 yaşı var.
