Baş Prokurorluq aprelin 6-sında paytaxt sakininin küçədə həyat yoldaşını və özünü öldürməsi ilə bağlı açıqlama yayıb. Qurumun məlumatına görə, 1997-ci il təvəllüdlü Misri Xəlilova keçmiş həyat yoldaşı, 1978-ci il təvəllüdlü Rasim Xəlilov tərəfindən aralarında yaranmış mübahisə zamanı qəsdən qətlə yetirilib:
Rasim Xəlilovun odlu silahla atəş açaraq Misri Xəlilovanı qəsdən öldürməsinə, daha sonra özünə atəş açaraq intihar etməsinə əsaslı şübhələr müəyyən edilib.
Baş Prokurorluq
Faktla bağlı Sabunçu rayon prokurorluğunda Cinayət Məcəlləsinin müvafiq maddələri ilə cinayət işi başlanıb.
Qeyd olunub ki, hazırda cinayət işi üzrə istintaq davam edir.
Nə baş verib: Sabunçu rayonunun Bakıxanov qəsəbəsində Rasim Xəlilov özünə məxsus qanuni ov tüfəngi ilə küçədə həyat yoldaşı Misli Xəlilovanı güllələyib. Daha sonra o, həmin silahla özünü vuraraq öldürüb.
