Aprelin 6-da prezident İlham Əliyev Brüsseldə Avropa Şurasının rəhbəri Çarlz Mişel və Ermənistan baş naziri Nikol Paşinyanla görüşüb. Artıq 2-ci dəfədir baş tutan üçtərəfli görüş 4 saata yaxın davam edib. Çarlz Mişelin bəyanatında qeyd edilib ki, Əliyev və Paşinyan ölkələri arasında sülh sazişinə doğru sürətlə irəliləmək arzusundadır.
Görüşdə müzakirə edilən məsələlər:
- Ermənistan və Azərbaycan arasında, xüsusən də Cənubi Qafqazda kommunikasiyaların bərpası müzakirə olunub.
- xarici işlər nazirlərinə gələcək sülh müqaviləsinin hazırlanması üçün işə başlamağı tapşırmaq barədə razılığa gəlinib.
- sərhədlərin delimitasiyası və demarkasiyası məqsədlə aprelin sonuna qədər Birgə Sərhəd Komissiyasının çağırılması qərara alınıb.
Birgə Sərhəd Komissiyasının mandatına nələr daxildir:
- Azərbaycan və Ermənistan arasında ikitərəfli sərhədin delimitasiyası;
- sərhəd boyu və yaxınlığında sabit təhlükəsizlik vəziyyətini təmin etmək.
Bəyanatda qeyd olunub ki, İlham Əliyev və Nikol Paşinyan görüşlərinin nəticələrini izləmək və əlaqədə qalmaq barədə razılığa gəliblər.
