Aİ ölkələrinin daimi nümayəndələri Rusiyaya qarşı beşinci sanksiyalar paketi ilə bağlı razılığa gəliblər. Bu barədə Fransanın Avropa İttifaqı Şurasındakı nümayəndəliyi tvitter hesabında məlumat yayıb. Qeyd olunub ki, sanksiyalar sırasında Rusiya kömürünün idxalına tam embarqo qoyulması da var.
Sanksiyalar paketinə nələr daxildir:
- Rusiyadan kömür idxalına qadağa;
- Rusiyaya silah tədarükünə embarqo;
- Bir sıra Rusiya banklarının aktivlərinin dondurulması;
- Rusiyadan 5,5 milyard avroya qədər xammal və kritik materialların idxalına qadağa;
- Rusiya bayrağı altında üzən gəmilərin Aİ limanlarına girişinə qadağa;
- Rusiya və Belarus daşıyıcılarının Aİ ölkələrində işinin qadağan edilməsi;
- Dəyəri 10 milyard avroya qədər olan bir sıra malların, o cümlədən yüksək texnologiyalı malların Rusiyaya ixracına qadağa;
Vurğulanıb ki, bu paket Şura tərəfindən yazılı şəkildə qəbul edildikdən sonra, aprelin 8-də qüvvəyə minəcək.
