Rusiyanın Ukraynaya hücumundan sonra 4 milyon 542 min 857 nəfər qonşu ölkələrə keçib. Bununla bağlı Birləşmiş Millətlər Təşkilatının Qaçqınlar üzrə Ali Komissarlığı məlumat yayıb. Qeyd edilib ki, qaçqınların böyük əksəriyyəti Polşa ərazisində məskunlaşıblar.
Hansı ölkəyə nə qədər qaçqın gedib:
- Polşa – 2,622 milyon;
- Rumıniya – 686,232 min;
- Macarıstan – 424,367 min;
- Moldova – 411,365 min;
- Rusiya – 404,418 min;
- Slovakiya – 317,781 min;
- Belarus – 20,739 min.
Bildirilib ki, statistika sərhəd-keçid məntəqələrinin və digər səlahiyyətli orqanların təqdim etdiyi məlumatlar əsasında hazırlanıb.
