Rusiyanın İrandan gələn qaçaqmalçıların köməyi ilə Ukraynadakı müharibə üçün İraqdan silah-sursat aldığı iddia olunur. Bu barədə məlumatı Britaniyanın “The Guardian” nəşri İraqdakı Xalq Səfərbərlik Qüvvələrinin və regional kəşfiyyat xidmətlərinin adı açıqlanmayan nümayəndələrindən öyrənib.
Mənbə hansı məlumatları verib:
1. İran öz istehsalı olan “Bavar 373” zenit-raket kompleksini Rusiyaya təhvil verib, həmçinin əvvəllər Moskvadan aldıqları “S-300” hava hücumundan müdafiə sistemini Rusiyaya qaytarıb.
2. Martın 26-da Xalq Səfərbərlik Qüvvələrinin bölmələrindən biri İraqdan İrana əl qumbaraatanları və tank əleyhinə raketlər daşıyıb.
3. Aprelin 1-də İranın Xalq Səfərbərlik Qüvvələri Braziliya istehsalı olan iki ədəd “Astros II” reaktiv yaylım atəşi sistemlərini İrana daşıyıb.
Nəşr yazır ki, bu günlərdə hərbi yük daşıyan 3 yük gəmisi İranın Bəndər Ənzəli şəhərindən Həştərxana keçib. Həmin gəmilərdən biri İran, digər ikisi isə Rusiya bayrağı altında üzüb.
