Azərbaycan Moldova ərazisinə keçən ukraynalı qaçqınlara dərman vasitələrindən ibarət humanitar yardım yollayıb. “Report”un məlumatına əsasən, 29 tonluq humanitar yardımın dəyəri 1,7 milyon manatdan artıqdır. Yardım Moldova və Ukraynanın Azərbaycandakı diplomatik nümayəndələrinin iştirakı ilə yola salınıb.
Azərbaycan daha əvvəl nə qədər yardım edib: Bu, ukraynalı qaçqınlara yollanan sayca 3-cü yardımdır. Daha əvvəl fevral və mart ayında Ukraynaya dərman vasitələri, tibbi sərf, cihaz və avadanlıqlardan, eləcə də ərzaq məhsullarından ibarət ümumi məbləği 21.5 milyon manat olan 520 tona yaxın humanitar yardım göndərilib.
