Millət vəkili Fazil Mustafa Ermənistan parlamenti ilə əlaqələrin gücləndirilməsi üçün komissiyanın yaradılmasını təklif edib. APA yazır ki, bu fikirləri deputat Milli Məclisin iclasında səsləndirib. Onun sözlərinə görə, Ermənistan Azərbaycanla sülh müqaviləsi bağlamasa inkişaf edə bilməyəcəyini etiraf edir və Azərbaycan bu durumdan istifadə etməlidir:
Ermənistan parlamenti ilə işimizi gücləndirməliyik. Parlamentdə bu istiqamətdə komissiyanın yaradılmasına ehtiyac var, biz yeni təşəbbüs irəli sürməliyik. MDB məkanında Ermənistanla 5 platformada birlikdə çıxış edirik. QHT-lər üzərindən də bu sahədə qadağa götürülməlidir.
söyləyib deputat
Fazil Mustafa vurğulayıb ki, QHT-lər Ermənistan QHT-ləri ilə layihələri artırmalı, cəmiyyətə təkliflər çatdırmalıdır. Deputatın fikrincə, Ermənistan cəmiyyəti ilə vasitəçilər olmadan işləməyə başlamaq lazımdır.
