Rusiyada yaşayan azərbaycanlı bloqqer Hüseyn Həsənovun aprelin 17-sində “Park Bulvar” ticarət mərkəzində keçirdiyi görüşə gələn şəxsləri kəmərlə vurduğu deyilən şəxs həbs olunub. Daxili İşlər Nazirliyinin mətbuat xidməti bununla bağlı məlumat yayıb:
Bakı şəhər sakini olan Arif İbrahimov izahatında bildirib ki, kəməri insanlara deyil, yalnız səhnəyə vurub. Buna baxmayaraq, A.İbrahimov inzibati qaydada 15 sutka həbs olunub.
DİN
Bundan başqa, görüşdə karantin rejiminin qaydaları pozularaq insanlar qapalı məkanda maskadan istifadə etməyiblər. Daxili İşlər Nazirliyi buna da aydınlıq gətirib:
Xüsusi karantin rejiminin tələblərinə uyğun olaraq ticarət mərkəzinə daxil olan hər bir vətəndaşın vaksinasiyadan keçməsini təsdiq edən sertifikatın “QR” kodu və qoruyucu tibbi maskadan istifadə etməsi polis əməkdaşları tərəfindən mərkəzin girişində yoxlanıldıqdan sonra onların qapalı məkana daxil olmalarına icazə verilib. Lakin ticarət mərkəzinə gələn şəxslər obyektə daxil olduqdan sonra tibbi maskalarını çıxardıblar. İri ticarət mərkəzlərinin daxilində insanların tibbi maskadan istifadə etmələrinə obyektin əməkdaşları tərəfindən nəzarət olunur.
deyə qeyd edilib
Bildirilib ki, hadisənin baş verdiyi obyektin məsul şəxsləri barədə araşdırmalar aparılır və nəticəsindən asılı olaraq müvafiq tədbirlər görüləcək.
