Ukraynada müharibə başlayandan ölkənin 114 vətəndaşı qaçqın statusu almaq üçün Azərbaycan Dövlət Miqrasiya Xidmətinə müraciət edib. Bunu DMX “Turan” informasiya agentiliyinin sorğusuna cavab olaraq verib. Bildirilib ki, müraciət edənlərin sayı ailə üzvləri ilə birlikdə 129 nəfərdir:
Bütün müraciət edənlər Azərbaycanda olduqları yer üzrə DMX-də qeydiyyatdan keçiblər. Bu insanların ehtiyacları müəyyən edilib və təmin edilib, zəruri yardım göstərilib və onlar müvafiq təşkilatlara göndəriliblər.
deyə bildirilib
Qurum əlavə edib ki, Azərbaycan qanunvericiliyi qaçqın statusu üçün müraciət edən şəxslərə ölkədə müvəqqəti olaraq yaşamaq, işləmək, tibbi yardım almaq və s. icazəsi verir.
